II Еўрапейскія гульні ў Беларусі

Кабякоў: Еўрагульні-2019 пройдуць у Беларусі на дастойным узроўні

28 снежня, Мінск /Кар. БЕЛТА/. Еўрапейскія гульні 2019 года пройдуць у Беларусі на дастойным узроўні. Аб гэтым заявіў сёння прэм'ер-міністр Андрэй Кабякоў на ўрачыстай цырымоніі ўручэння дзяржузнагарод заслужаным людзям краіны, перадае карэспандэнт БЕЛТА.

"Адкрытасць Беларусі і яе аўтарытэт на міжнароднай спартыўнай арэне далі магчымасць прыцягнуць у краіну буйнейшы кантынентальны спартыўны форум - Другія Еўрапейскія гульні 2019 года. Мы ўпэўнены, што гэтыя гульні пройдуць на дастойным узроўні", - сказаў Андрэй Кабякоў.

Ён уручыў падзякі Прэзідэнта трэнерам і адзначыў, што дзякуючы іх працы ў бягучым годзе спартсмены папоўнілі беларускія медальныя скарбонкі. У 2016 годзе яны 529 разоў падымаліся на п'едэстал, заваяваўшы 154 залатыя, 168 сярэбраных, 207 бронзавых медалёў. Зарэгістравана 70 рэкордаў Беларусі па розных відах спорту.

версія для друку

зрабіць стартавай

дабавіць у выбранае