II Еўрапейскія гульні ў Беларусі

Беларуская самбістка Марына Жарская стала сярэбраным прызёрам II Еўрапейскіх гульняў

23 чэрвеня, Мінск /Кар. БЕЛТА/. Беларуская спартсменка Марына Жарская (вагавая катэгорыя - 52 кг) стала другой на турніры па самба II Еўрапейскіх гульняў, перадае карэспандэнт БЕЛТА.

У фінальным паядынку яна прайграла расіянцы Дзіяне Рабавай.

"Прайграваць у фінале, асабліва калі ты нацэлена на золата, крыўдна. У маёй саперніцы каронныя прыёмы - гэта болевыя на ногі. Я дапусціла памылку, да канца думала, што выкручуся з прыёму на руку, каб засцерагчы нагу, але памылілася і прайграла, - сказала журналістам Марына Жарская. - Вялікі дзякуй балельшчыкам за падтрымку, сёння была вельмі складаная, цяжкая барацьба, напэўна, толькі дзякуючы ім я цяпер тут".

На турніры па самба II Еўрапейскіх гульняў за 18 камплектаў узнагарод спаборнічаюць 144 атлеты. Спаборніцтвы завершацца сёння ў мінскім Палацы спорту.

версія для друку

зрабіць стартавай

дабавіць у выбранае