Падзеі, факты, анонсы

20 Снж 2016

Новы год і Каляды ў Беларусі

Навагодняя ілюмінацыя каля комплекса "Мінск-Арэна"

Каляды і Новы год – цудоўная нагода адправіцца ў падарожжа па Беларусі і атрымаць асалоду ад чароўнай атмасферы зімовых свят у гасцінных эка- і аграсядзібах, адпачыць у санаторыях, пакарыць гарналыжныя схілы, пабываць у гасцях у беларускага Дзеда Мароза, убачыць самыя папулярныя выдатныя мясціны, паўдзельнічаць у самабытных абрадах і, вядома, пакаштаваць нацыянальныя стравы.

Навагоднія канікулы-2017 у Беларусі прапануюць гасцям маштабную праграму: парады і вулічныя шэсці казачных персанажаў, тэатралізаваныя паказы і 3D-шоу пад адкрытым небам, калядныя кірмашы і распрадажы, рэканструкцыі старадаўніх абрадаў у этнаграфічных музеях, канцэрты класічнай музыкі і балі ў раскошных замках і палацах, а таксама захапляльныя навагоднія туры і экскурсіі…

Бадай што, самыя відовішчныя мерапрыемствы разгорнуцца напярэдадні галоўнага свята года: тысячы людзей па ўсёй краіне збяруцца на канцэрты і піратэхнічныя шоу. У Мінску навагодняя ноч-2017 запомніцца праграмай "З Новым годам, сталіца!" (23:00 – 04:00), і феерверкам, які пачнецца 1 студзеня ў 01:30 на пляцоўцы каля Палаца спорту.

Аб тым, як спланаваць канікулы ў Беларусі: дзе пабываць, што паглядзець і, галоўнае, дзе сустрэць Новы год-2017 – у святочным анонсе Belarus.by.

Новы год-2017: 10 варыянтаў, якія магчымы толькі ў Беларусі

Святочныя шэсці і вулічныя шоу Напярэдадні навагодніх свят парады і тэатралізаваныя шэсці збяруць на цэнтральных вуліцах беларускіх гарадоў сотні Дзядоў Марозаў і Снягурак, казачных персанажаў і герояў любімых мультфільмаў, а жыхары і госці сталіцы змогуць паразмаўляць або нават спець з мінскім Дзедам Марозам у гарадской Ратушы.
	Парад-конкурс навагодніх аўтаэкіпажаў у Полацку 23 снежня Полацк, Палац культуры
Шэсце Дзядоў Марозаў і Снягурак у Мінску 24 снежня Мінск, праспект Незалежнасці, плошча Свабоды
	Навагодні перформанс "Чароўная краіна здзяйснення жаданняў" 24 снежня – 5 студзеня Мінск, Верхні горад
Праект "У гасцях у Дзеда Мароза" 24 снежня – 5 студзеня Мінск, плошча Свабоды
Навагоднія выстаўкі, спектаклі і дзіцячыя паказы Напярэдадні Новага года-2017 можна зрабіць падарожжа "скрозь прастору і час", сустрэць зіму па беларускіх традыцыях, пабываць у свецкіх інтэр’ерах XIX стагоддзя, убачыць эксклюзіўныя ёлачныя ўпрыгажэнні, якім ужо дзясяткі і нават сотні гадоў...
	Выстаўка "Час цудаў. Зімовыя святы і забавы" 11 лістапада 2016 – 28 лютага 2017 Мінск, Нацыянальны гістарычны музей Беларусі
Выстаўка "Музей ёлачных цацак" у Мінску 10 снежня – 31 студзеня 2017 Мінск, Нацыянальны гістарычны музей Беларусі Даведацца падрабязней
	"Таямніцы чароўнага куфэрка" ў Белдзяржцырку 17 снежня 2016 – 15 студзеня 2017 Мінск, Белдзяржцырк
Галоўная ёлка краіны 20 снежня 2016 – 6 студзеня 2017 Мінск, Палац Рэспублікі
Канцэрты і шоу-праграмы У навагодняй праграме-2017 – лепшыя оперныя арыі ад зорак Вялікага тэатра Беларусі, іскрамётнае джазавае шоу легендарнага саксафаніста Гэры "Дэтройт" Уігінса, шэдэўры сусветнай класікі ў выкананні камернага ансамбля "Мінск-Класік" і Дзяржаўнага акадэмічнага сімфанічнага аркестра Беларусі, а таксама саўндтрэкі да галівудскіх карцін ХХ стагоддзя.
	"Вялікі Калядны канцэрт" у Мінску 24 снежня, 20.00 Мінск, КЗ "Верхні горад"
Новы год у Вялікім тэатры Беларусі 29, 30 і 31 снежня, 19.00 Мінск, Вялікі тэатр Беларусі
	"Новы год у стылі Галівуд" у Музычным тэатры 31 снежня, 18.00 Мінск, Беларускі акадэмічны музычны тэатр
Новы год у Белдзяржфілармоніі 31 снежня, 18.00 Мінск, Беларуская дзяржаўная філармонія
	Джазавы Новы год у Палацы Рэспублікі 31 снежня, 23.00 Мінск, Джаз-клуб Яўгена Уладзімірава
Калядныя і навагоднія балі У самыя першыя дні Новага года-2017 галоўныя архітэктурныя жамчужыны Беларусі запрашаюць акунуцца ў атмасферу арыстакратычных баляў XIX стагоддзя. У праграму ўваходзяць майстар-класы, старадаўнія гульні і забавы і, вядома, папулярныя танцы рамантычнай эпохі: паланэз, вальс, кадрыля і мазурка…
	Пацёмкінскія ёлкі ў княжацкім палацы Крычава снежань 2016 Магілёўская вобласць, Крычаў, Палац Пацёмкіна
Дзіцячыя калядныя балі ў Мірскім замку 2 – 7 студзеня Гродзенская вобласць, Мірскі замак
	Мірскі баль 7 студзеня Гродзенская вобласць, Мірскі замак, Партрэтная зала
Навагоднія святы ў Радзівілаў 2 – 8 студзеня, 3 студзеня – квест "Тайны Нясвіжскага палаца" Мінская вобласць, Нясвіжскі палацава-паркавы ансамбль Даведацца падрабязней
	Вялікі навагодні баль у Вялікім тэатры 13 студзеня, 21.00 Мінск, Вялікі тэатр Беларусі
У госці да Дзеда Мароза: навагоднія туры і забавы Хто ў дзяцінстве не пісаў пасланняў Дзеду Марозу? Кожны год беларускі чараўнік атрымлівае больш за 10 тысяч пісем, а ў бягучым годзе ў яго рэзідэнцыі ў Белавежскай пушчы пабывалі ўжо 77 тысяч гасцей з розных краін свету. Акрамя таго, на беларускіх зімовых канікулах можна наведаць сядзібы і іншых казачных персанажаў– Дзеда Зімніка, Бабы Завірухі, Балотніка Незвычайнага…
	Падарожжа ў сядзібу беларускага Дзеда Мароза 10 снежня 2016 – студзень 2017 года Белавежская пушча, сядзіба Дзеда Мароза Навагодні поезд-экспрэс з Мінска да Дзеда Мароза ў Белавежскую пушчу курсіруе з 16 снежня 2016 года.
Сядзіба Дзеда Зімніка і Бабы Завірухі ў Налібоцкай пушчы з 10 снежня Гродзенская вобласць, в. Залейкі
	Экскурсійная праграма "Каралеўскія Пасулы, альбо Калядныя прыгоды ў пана Мароза" 14 снежня – 10 студзеня Мінская вобласць, Стаўбцоўскі раён, в. Сула, Парк-музей гісторыі "Сула"
Навагодні тур "Калядкi ля Зюзiнай хаткi" з 16 снежня Гродзенская вобласць, агратурыстычны комплекс "Каробчыцы"
	Сядзіба Берасцейскага Дзеда Мароза 18 снежня – 8 студзеня Брэст, Брэсцкі парк культуры і адпачынку (вул. Леніна, 3) Даведацца падрабязней
Бас-туры "Навагодні аўтобус" у Мінску 26 снежня – 8 студзеня Мінскі чыгуначны вакзал, станцыя Мінск-Пасажырскі
	Рэзідэнцыя Дзеда Мароза на "Лініі Сталіна" 24 снежня 2016 – 14 студзеня 2017 Мінскі раён, гісторыка-культурны комплекс "Лінія Сталіна"
Навагодняя квесторыя ў загараднай рэзідэнцыі полацкага Дзеда Мароза 26 снежня – 8 студзеня Віцебская вобласць, Полацк, вул. Валагіна, 1А, рэзідэнцыя полацкага Дзеда Мароза
Кірмашы і распрадажы ў Мінску Калядныя кірмашы – вельмі добры варыянт для тых, хто цэніць аўтарскі handmade з асаблівай гісторыяй і крэатыўным дызайнам, сувеніры, створаныя ў адзіным экзэмпляры.
	"Калядны кірмаш" у Мінску 15 снежня – 15 студзеня Мінск, Кастрычніцкая плошча і пляцоўка каля Палаца спорту
Кірмаш "Калядная зорка" ў Палацы спорту 24 снежня Мінск, Палац спорту
	Кірмаш у Верхнім горадзе да навагодняга перформанса "Чароўная краіна здзяйснення жаданняў" 24 снежня – 5 студзеня Мінск, Верхні горад
Кірмаш "Кава Какава" 24 – 25 снежня Мінск, Прэзідэнт-атэль
	Вялікі модны маркет у Мінску 29 – 30 снежня Мінск, ГЦ "Метраполь"
Беларускія зімовыя абрады Беларускія традыцыі і звычаі, якія цесна звязаны з народным календаром, у наш час атрымалі статус гісторыка-культурнай спадчыны: яны вывучаюцца і аднаўляюцца ў розных рэгіёнах краіны, у тым ліку ў этнаграфічных музеях. Запрашаем аматараў даўніны на ўласныя вочы ўбачыць самыя цікавыя і значныя для беларусаў зімовыя абрады…
	Народны абрад "Каляды" 24 снежня Мінская вобласць, в. Азярцо, Беларускі дзяржаўны музей народнай архітэктуры і побыту
Народнае ігрышча "Жаніцьба Цярэшкі" 25 снежня – 7 студзеня Віцебская вобласць, Лепельскі раён, в. Аношкі
	Абрад "Калядныя цары" ў вёсцы Семежава – унікальная спадчына са Спіса ЮНЕСКА 13 – 14 студзеня Мінская вобласць, Капыльскі раён, в. Семежава Даведацца падрабязней
Народны абрад "Цягнуць Каляду на дуба" 21 студзеня Мінская вобласць, Бярэзінскі раён, в. Новіны