Падзеі, факты, анонсы
Глен Хэнлан завяршыў работу з беларускай хакейнай зборнай
25 мая, Мінск /Кар. БЕЛТА/. Галоўны трэнер хакейнай зборнай Беларусі канадзец Глен Хэнлан завяршыў работу і адправіўся дадому, паведамляе карэспандэнт БЕЛТА.
Паводле слоў Хэнлана, ён правёў цудоўны год у Беларусі ў ходзе падрыхтоўкі да мінскага чэмпіянату свету. У час сусветнага першынства беларуская каманда праявіла сябе з самага лепшага боку, прабіўшыся ў васьмёрку лепшых каманд планеты. Аднак цяпер Глен Хэнлан вырашыў вярнуцца на радзіму і больш часу ўдзяліць сям'і, вяртацца да трэнерскай дзейнасці ў Беларусі ён не плануе, прынамсі, у бліжэйшы час.
Глен Хэнлан упершыню стаў настаўнікам беларускай зборнай у 2005 годзе, пад яго кіраўніцтвам беларусы тройчы выходзілі ў чвэрцьфінал сусветных спаборніцтваў - у
2006, 2009 і 2014 гадах. Гэта лепшыя вынікі за ўвесь час удзелу ў чэмпіянатах свету.Хто зойме пасаду галоўнага трэнера беларускай зборнай, вырашыцца пазней, пасля падвядзення вынікаў гэтага сезона.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
