Падзеі, факты, анонсы
Арганізатары "Славянскага базару ў Віцебску" замахнуцца на рэкорд для Кнігі Гінеса
3 мая, Мінск /Кар. БЕЛТА/. Арганізатары "Славянскага базару ў Віцебску" замахнуцца на рэкорд для Кнігі Гінеса. Аб гэтым паведаміў журналістам дырэктар форуму, кіраўнік Сусветнай асацыяцыі фестываляў (САФ) Аляксандр Сідарэнка, перадае карэспандэнт БЕЛТА.
"Мы вырашылі, што ў гэтым годзе ёсць сэнс замахнуцца на адзін з рэкордаў, які, магчыма, будзе занесены ў Кнігу рэкордаў Гінеса. Такая спроба будзе зроблена ў праграме фэсту вулічнага мастацтва, і ў бліжэйшы час мы пададзім заяўку", - сказаў Аляксандр Сідарэнка.
Ён адзначыў, што ёсць задумка арганізаваць конкурс чытальнікаў. Гэта будзе своеасаблівы марафон паэтаў, якія на працягу некалькіх гадзін будуць бесперапынна чытаць вершы. Магчыма, такі марафон зойме каля 10 гадзін. Падбіраецца пляцоўка для мерапрыемства, пачаўся прыём заявак для ўдзелу ў марафоне.
XXV Міжнародны фестываль мастацтваў "Славянскі базар у Віцебску" пройдзе з 14 па 18 ліпеня (дадатковыя мерапрыемствы запланаваны 12-13 і 19-20 ліпеня).
версія для друку
зрабіць стартавай
дабавіць у выбранае