Галоўныя навіны
Спадарожнік "Белінтэрсат-1" запушчаны з касмадрома ў Кітаі
15 студзеня, Мінск /Кар. БЕЛТА/. З кітайскага касмадрома "Січан" запушчаны беларускі тэлекамунікацыйны спадарожнік "Белінтэрсат-1", паведамляе БЕЛТА са спасылкай на nasaspaceflight.com.
Сатэліт разлічаны на перадачу тэлевізійнага і радыёсігналу, а таксама забеспячэнне доступу ў інтэрнэт. "Белінтэрсат-1" разлічаны на 15 гадоў работы.
Спадарожнік спраектаваны і пабудаваны кампаніяй Кітайскай аэракасмічнай навукі і тэхнікі. Яго памеры супастаўныя з легкавым аўтамабілем, вага - больш за 5,2 т. У "Белінтэрсат-1" ёсць сонечная батарэя з даўжынёй крылаў 22 м у раскладзеным выглядзе.
Праект з'яўляецца экспартна арыентаваным, разлічаным на максімальны продаж рэсурсу спадарожніка спажыўцам. Заказчыкам будзе прапанавана ў тым ліку стварэнне ўласных карпаратыўных сетак сувязі з выкарыстаннем спадарожніка.
версія для друку
зрабіць стартавай
дабавіць у выбранае