Галоўныя навіны
Беларуская гарналыжніца Марыя Шканава заваявала залаты медаль у слаламе на Універсіядзе
6 лютага, Мінск /Кар. БЕЛТА/. Беларуская гарналыжніца Марыя Шканава заваявала залаты медаль у слаламе на XXVIII Сусветнай зімовай Універсіядзе ў Алматы, паведамляе карэспандэнт БЕЛТА.
У сваёй самай любімай дысцыпліне (слаламе) Марыя Шканава па суме дзвюх спроб паказала рэзультат 1 хвіліна 32,57 сек. Другое месца заняла Моніка Хюбнер з Германіі - 1 хвіліна 32,67 сек. Бронзавым прызёрам стала шведка Луіза Янсан - 1 хвіліна 32,80 сек.
Для беларускі залаты медаль ужо трэцяя ўзнагарода зімовай Універсіяды. Раней Марыя Шканава заваявала бронзавую ўзнагароду ў суперкамбінацыі і серабро ў гіганцкім слаламе.
Усяго на рахунку студэнцкай зборнай Беларусі ў Алматы шэсць узнагарод (3 залатыя, 2 сярэбраныя і 1 бронзавы медаль) і дзясятае месца ў агульным заліку.
версія для друку
зрабіць стартавай
дабавіць у выбранае