Галоўныя навіны
Беларус Васіль Кірыенка ўпершыню ў кар'еры стаў чэмпіёнам свету па веласпорце на шашы
24 верасня, Мінск /Аляксандр Новікаў - БЕЛТА/. Беларус Васіль Кірыенка ўпершыню ў кар'еры стаў чэмпіёнам свету па веласпорце на шашы. Ён выйграў у амерыканскім Рычмандзе ў бліскучым стылі індывідуальную гонку з раздзельным стартам, праехаўшы 53,5 км за 1 гадз 02 мін 29,42 сек, і атрымаў ліцэнзію на ўдзел у Алімпійскіх гульнях 2016 года, паведамляе карэспандэнт БЕЛТА.
З-за адсутнасці Брэдлі Уігінса шанцы беларуса ўзысці на самую высокую прыступку п'едэстала гонару сусветнага форуму значна ўзраслі. Васіль Кірыенка са старту пачаў паказваць высокі рэзультат. На першай і другой адзнаках яго час быў лепшым сярод 65 гоншчыкаў, якія прымалі ўдзел. Другое месца заняў італьянец Адрыяна Малары. Бронзавым прызёрам чэмпіянату свету ў індывідуальнай гонцы з раздзельным стартам стаў француз Жэром Капель (1 гадз 2 мін 56,07 сек). Беларус Канстанцін Сіўцоў фінішаваў 27-м (1 гадз 5 мін 17,40 сек).
Асноўныя канкурэнты лідара зборнай Беларусі па веласпорце Тоні Марцін з Германіі і Том Дзюмолін з Нідэрландаў фінішавалі далёка ад п'едэстала гонару.
На мінулым чэмпіянаце свету па веласпорце на шашы ў Іспаніі Васіль Кірыенка ў гэтай жа дысцыпліне заняў 4-е месца. Бягучы сезон для велагоншчыка з Рэчыцы складваецца ўдачна. У маі ён стаў пераможцам індывідуальнай гонкі з раздзельным стартам на Джыра д-Італія, у чэрвені выйграў залаты медаль у гонцы з раздзельным стартам на першых Еўрапейскіх гульнях у Баку.
На чэмпіянаце свету ў Рычмандзе яшчэ аднога залатога медаля ў каманднай гонцы ў складзе "Velocio-SRAM" удастоена Алена Амялюсік.
версія для друку
зрабіць стартавай
дабавіць у выбранае