70-годдзе Вялікай Перамогі
Выстаўка ў гонар 70-годдзя Перамогі адкрылася ў штаб-кватэры ААН у Нью-Ёрку па ініцыятыве Беларусі
5 мая, Мінск /Кар. БЕЛТА/. Урачыстае адкрыццё фотавыстаўкі "Апошняя сусветная вайна: помніць дзеля міру" адбылося ў штаб-кватэры ААН у Нью-Ёрку, паведамілі БЕЛТА ў прэс-службе МЗС Беларусі.
Выстаўка арганізавана па ініцыятыве Беларусі сумесна з Азербайджанам, Арменіяй, Казахстанам, Кыргызстанам, Расіяй, Таджыкістанам і Туркменістанам. "Падрыхтоўку канцэпцыі фотавыстаўкі, яе інфармацыйнае напаўненне і мастацкае афармленне забяспечыла Пастаяннае прадстаўніцтва Беларусі пры ААН пры дзейснай падтрымцы астатніх краін-арганізатараў", - адзначылі ў МЗС Беларусі.
"Чорна-белыя фатаграфіі ваенных часоў адлюстроўваюць уклад у Перамогу над фашызмам усіх краін былога СССР. Фотапартрэты герояў Савецкага Саюза - даніна павагі мужнасці людзей, якія ахвяравалі сваімі жыццямі для Перамогі", - расказалі ў міністэрстве. Экспазіцыя ўключае і фатаграфіі, якія адлюстроўваюць важныя эпізоды падзей тых гадоў, але ў першую чаргу яны сканцэнтраваны на чалавечым успрыманні пакут, болю і жахаў вайны. Лейтматыў выстаўкі ў тым, што трагедыя сусветнай вайны больш ніколі не павінна паўтарыцца ў гісторыі чалавецтва.
версія для друку
зрабіць стартавай
дабавіць у выбранае