Кандыдаты на пасаду Прэзідэнта Беларусі
У выбарах кіраўніка беларускай дзяржавы ў 2015 годзе ўдзельнічаюць 4 кандыдаты.
Гайдукевіч Сяргей Васільевіч
Дата і месца нараджэння: 8.09.1954, г. Мінск.
Адукацыя:
1976 г. – Мінскае вышэйшае інжынернае зенітнае ракетнае вучылішча ППА
1989 г. – Ваенная камандная Чырванасцяжная акадэмія ППА імя Маршала Савецкага Саюза Жукава Г.К.
Дзейнасць:
1982 – 1983 гг. – выконваў інтэрнацыянальны абавязак.
1976 – 1991 гг. – праходзіў службу на камандных пасадах ва Узброеных Сілах СССР.
1992 – 1994 гг. – узначальваў Каардынацыйны камітэт палітычнага блока "Народны рух Беларусі".
1992 – 1994 гг. – працаваў у Савеце Міністраў Рэспублікі Беларусь. Узначальваў Камітэт пры Савеце Міністраў Рэспублікі Беларусь.
З 1995 г. да гэтага часу – лідар Ліберальна- дэмакратычнай партыі Рэспублікі Беларусь.
17 кастрычніка 2004 г. выбраны дэпутатам Палаты прадстаўнікоў Нацыянальнага сходу Рэспублікі Беларусь.
Сям'я:
Жанаты. Двое дзяцей.
Караткевіч Таццяна Мікалаеўна
Дата і месца нараджэння: 8.03.1977, г. Мінск.
Адукацыя:
Беларускі дзяржаўны педагагічны ўніверсітэт імя Максіма Танка (факультэт псіхалогіі)
Беларускі дзяржаўны ўніверсітэт (магістратура)
Дзейнасць:
Пасля заканчэння ўніверсітэта працавала псіхолагам ва ўчылішчы, пазней – у Дзяржаўным інстытуце кіравання і сацыяльных тэхналогій БДУ. Педагагічны стаж – 11 гадоў.
Тры гады загадвала аддзяленнем сацыяльнай адаптацыі і рэабілітацыі ў Тэрытарыяльным цэнтры сацыяльнага абслугоўвання насельніцтва Ленінскага раёна г. Мінска.
Два апошнія гады – дырэктар сацыяльнай установы "Сямейная пляцоўка".
Удзельнічала ў выбарах дэпутатаў Палаты прадстаўнікоў Нацыянальнага сходу Рэспублікі Беларусь па Кальварыйскай выбарчай акрузе г. Мінска (2012 г.).
Студэнткай уступіла ў Беларускую сацыял-дэмакратычную партыю (Грамада). Апошнія шэсць гадоў працуе ў грамадзянскай кампаніі "Гавары праўду".
Сям'я:
Замужам, гадуе сына.
Лукашэнка Аляксандр Рыгоравіч
Дата і месца нараджэння: 30.08.1954, г.п. Копысь Аршанскага раёна Віцебскай вобласці.
Адукацыя:
1975 г. – Магілёўскі дзяржаўны ўніверсітэт імя А.А.Куляшова (гісторык)
1985 г. – Беларуская сельскагаспадарчая акадэмія (эканаміст)
Дзейнасць:
1975 – 1977 гг. – служыў у пагранічных войсках, у 1980 – 1982 гг. – у Савецкай Арміі.
Пасля армейскай службы працаваў у камсамольскіх і партыйных органах, займаў пасады намесніка і кіраўніка прадпрыемстваў прамысловасці будаўнічых матэрыялаў і аграпрамысловага комплексу БССР.
У 1990 г. выбраны дэпутатам Вярхоўнага Савета БССР.
10 ліпеня 1994 г. выбраны Прэзідэнтам Рэспублікі Беларусь. На выбарах у верасні 2001 г., у сакавіку 2006 г., у снежні 2010 г. перавыбраны на пасаду кіраўніка беларускай дзяржавы.
Сям'я:
А.Р.Лукашэнка – бацька траіх сыноў.
Улаховіч Мікалай Дзмітрыевіч
Дата і месца нараджэння: 21.08.1951, г. Мінск.
Адукацыя:
1969 г. – Мінскі архітэктурна-будаўнічы тэхнікум
1974 г. – Сімферопальскае вышэйшае ваенна-палітычнае будаўнічае вучылішча
1984 г. – Іванаўскі дзяржаўны ўніверсітэт
1992 г. – Валгаградскі інжынерна-будаўнічы інстытут
Дзейнасць:
Праходзіў службу ва Узброеных Сілах, удзельнічаў у будаўніцтве касмадрома Байканур, удастоены звання ганаровага будаўніка Байканура. Палкоўнік у адстаўцы. Пасля выхаду ў адстаўку працаваў на кіруючых пасадах у рэспубліканскіх органах дзяржаўнага кіравання.
Цяпер працуе намеснікам старшыні праўлення па будаўніцтве Мінскага абласнога спажывецкага саюза.
Па яго ініцыятыве ў 1995 г. створана Рэспубліканскае грамадскае аб'яднанне "Беларускае казацтва". З 1999 г. узначальвае Беларускую патрыятычную партыю.
Сям'я:
Жанаты, мае дачку і сына, пяцёра ўнукаў.
версія для друку
зрабіць стартавай
дабавіць у выбранае