Бізнес-навіны

Пасол: ААЭ гатовы стаць варотамі для выхаду беларускіх тавараў на рынкі трэціх краін

Салім Махамед Аль-Мушарах

6 кастрычніка, Мінск /Кар. БЕЛТА/. ААЭ гатовы стаць варотамі для выхаду беларускіх тавараў на рынкі трэціх краін. Аб гэтым сказаў Надзвычайны і Паўнамоцны Пасол Аб'яднаных Арабскіх Эміратаў у Рэспубліцы Беларусь Ібрагім Салім Махамед Аль-Мушарах на сустрэчы з прэм'ер-міністрам Беларусі Раманам Галоўчанкам, перадае карэспандэнт БЕЛТА.

Пасол уручыў Раману Галоўчанку запрашэнне, накіраванае прэм'ер-міністрам ААЭ, на 28-ю Канферэнцыю бакоў Рамачнай канвенцыі ААН аб змяненні клімату, якая пройдзе ў Дубаі з 30 лістапада па 12 снежня.

"Удзел Беларусі ў канферэнцыі надасць ёй яшчэ больш высокі ўзровень і дасць магчымасць дасягнуць як агульных мэт нашых дзвюх краін, так і мэт, да якіх імкнецца ўвесь свет", - падкрэсліў Ібрагім Салім Махамед Аль-Мушарах.

Паводле яго слоў, канферэнцыя мае некалькі мэт, галоўная з якіх - паглядзець на фінансавы ўклад краін, якія падпісвалі Парыжскае пагадненне, а таксама ступень выканання імі дамоўленасцей у рамках гэтага пагаднення.

Яшчэ адной мэтай канферэнцыі з'яўляецца ўтрыманне глабальнага пацяплення на ўзроўні 1,5 градуса Цэльсія. А таксама вызначэнне тых краін, якія аказваюць самы вялікі ўплыў на змяненне клімату.

"Паміж нашымі краінамі склаліся вельмі добрыя адносіны. Спадзяюся, што ваш удзел у гэтым мерапрыемстве будзе на самым высокім узроўні. І гэта пасадзейнічае яшчэ большаму ўмацаванню нашых адносін", - паведаміў пасол.

Гаворачы аб тавараабароце і інвестыцыйнай актыўнасці паміж Беларуссю і ААЭ, ён адзначыў: "Эміраты гатовы стаць варотамі для беларускіх тавараў, каб яны маглі мець выхад на рынкі іншых краін. Таксама мы гатовы прадаставіць сваю развітую інфраструктуру і свае лагістычныя магчымасці".

версія для друку

зрабіць стартавай

дабавіць у выбранае