Бізнес-навіны

Губернатар Чэлябінскай вобласці: у нашай сельскай гаспадарцы большая частка тэхнікі беларускай вытворчасці

Фота з архiва

16 снежня, Мінск /Кар. БЕЛТА/. У сельскай гаспадарцы Чэлябінскай вобласці большая частка тэхнікі - беларускай вытворчасці. Аб гэтым на экспертна-медыйным форуме "Веды. Факты. Меркаванні" расказаў губернатар Чэлябінскай вобласці Аляксей Тэкслер, паведамляе БЕЛТА.

"У нас традыцыйныя навуковыя, прамысловыя сувязі і кантакты. Эканоміка Беларусі і Чэлябінскай вобласці ў многім падобная. Мы прамысловыя, машынабудаўнічыя рэгіёны, у нас развіта сельская гаспадарка яшчэ з савецкіх часоў. Мы гэта абмяркоўвалі, калі гаварылі з Прэзідэнтам аб нашым супрацоўніцтве. Нашы сувязі гістарычна моцныя, і з Беларусі мы атрымліваем розную колавую тэхніку вытворчасці МАЗ і БелАЗ. У нас сёння ў сельскай гаспадарцы больш за палавіну тэхнікі выраблена ў Беларусі", - адзначыў Аляксей Тэкслер.

Адказваючы на пытанне, якія праекты можна назваць лакаматывам двухбаковых адносін, губернатар Чэлябінскай вобласці сказаў, што ў час візіту абмяркоўвалася набыццё трактароў МТЗ. "Нашы прадпрыемствы таксама зацікаўлены купляць тыя ж БелАЗы, у тым ліку БелАЗ на газаматорным паліве. У нас звадкаваны прыродны газ вырабляецца непасрэдна ў Магнітагорску, і гэта вельмі актуальнае пытанне. У час апошняга візіту мы размаўлялі з беларускімі калегамі-прамыслоўцамі на пляцоўцы Міністэрства прамысловасці і расклалі літаральна кожны перспектыўны праект. І ў ходзе дыскусіі мы зразумелі, што праектаў можа быць яшчэ больш", - падкрэсліў Аляксей Тэкслер.

версія для друку

зрабіць стартавай

дабавіць у выбранае