Першы велатурыст – грамадзянін Польшчы Яраслаў Міхалоўскі – перасёк мяжу ў пункце пропуску "Лясная" ("Рудаўка") 28 красавіка 2017 г.

Першапачаткова ў гэтым сезонным пункце пропуску на Аўгустоўскім канале прымалі толькі водных турыстаў (на байдарках, маламерных судах), а з красавіка 2017-га "Лясная" ("Рудаўка") адкрылася таксама для веласіпедыстаў і пешаходаў. У турыстычным сезоне падарожнічаць пешшу, на веласіпедах або водным транспартам турысты змогуць штодзень з 8:00 да 20:00 з 1 мая па 1 кастрычніка ўключна.