РУП "Слуцкія паясы" – адно з найбуйнейшых прадпрыемстваў мастацкіх промыслаў Беларусі

У старажытным горадзе на Міншчыне адроджаны ўнікальныя традыцыі вырабу слуцкіх паясоў згодна са спецыяльнай Дзяржаўнай праграмай "Слуцкія паясы" на 2012-2015 гады. Сучасныя майстры робяць іх дакладныя копіі, аналагі і мастацкія стылізацыі, якія становяцца эксклюзіўным сувенірам з Беларусі. У мясцовы вытворча-культурны комплекс уваходзяць завод, музей гісторыі, кафэ і сувенірная крама. У экспазіцыі музея можна ўбачыць аналагі паясоў, рэканструяваныя на сучасным абсталяванні.