Дзень памяці прападобнай Ефрасінні Полацкай

Штогод 5 чэрвеня хрысціянскі свет святкуе дзень памяці прападобнай Ефрасінні Полацкай, нябеснай заступніцы зямлі беларускай. Гэта адзіны дзень у годзе, калі праводзіцца святочнае богаслужэнне ў Сафійскім саборы. Пасля ўрачыстай літургіі ўдзельнікі хроснага ходу праходзяць ад сабора да Спаса-Ефрасіннеўскага жаночага манастыра, заснаванага (1125 г.) самой Ефрасінняй. Калісьці такім жа шляхам прайшла і знакамітая ігумення.