Бізнес-навіны

Выстаўка "Лесдрэўтэх" пройдзе ў Мінску 21-23 жніўня

15 ліпеня, Мінск /Кар. БЕЛТА/. Міжнародная спецыялізаваная выстаўка "Лесдрэўтэх-2024" пройдзе 21-23 жніўня. Аб гэтым паведамілі БЕЛТА ў прэс-службе Міністэрства лясной гаспадаркі.

Удзел у выстаўцы прымуць вядучыя лесагаспадарчыя ўстановы краіны, а таксама прадпрыемствы сумежнага профілю. Яе арганізатарамі па традыцыі выступяць Міністэрства лясной гаспадаркі і дзяржаўнае прадпрыемства "БелЭкспа". Арганізатары рыхтуюць для гасцей форуму насычаную праграму, сустрэчы з экспертамі, кансультацыі, спецыяльныя прапановы для ўдзельнікаў і шмат іншага. У гэтым годзе акцэнт будзе зроблены на экспазіцыю і дэманстрацыю тэхнікі і лесапільнага абсталявання ў рэальных умовах, відовішчныя конкурсы і паказальныя выступленні.

Выстаўка будзе складацца з шасці асноўных раздзелаў: "Лясная гаспадарка", "Лесанарыхтоўка. Машыны", "Дрэваапрацоўчая прамысловасць", "Драўлянае домабудаванне. Мэблевая вытворчасць. Піламатэрыялы і будматэрыялы", "Біяэнергетыка ў лесапрамысловым комплексе, энергазберагальнае абсталяванне і тэхналогіі", "Экалогія ў лясной і дрэваапрацоўчай прамысловасці".

версія для друку

зрабіць стартавай

дабавіць у выбранае