Бізнес-навіны

МТЗ плануе ў 2025 годзе выпусціць узор спраектаванага ў лічбавым асяроддзі трактара

Фота МТЗ

4 верасня, Мінск /Кар. БЕЛТА/. Мінскі трактарны завод плануе выпусціць у наступным годзе ўзор спраектаванага ў лічбавым асяроддзі трактара, паведамілі БЕЛТА ў прэс-службе завода.

Стварэнне гусенічнага трактара BELARUS 1103 другога цягавага класа ў сістэме лічбавага праектавання - адзін з самых маштабных праектаў, які рэалізуецца сёння ва ўпраўленні канструктарска-эксперыментальных работ нумар 2.

Праект прадугледжвае, што арыгіналам канструктарскай дакументацыі будзе не чарцёж, а анатаваная 3D-мадэль. На сёння гатоўнасць канструктарскай дакументацыі па гэтай машыне складае каля 60 працэнтаў.

Выраб доследнага ўзору BELARUS 1103 і яго выпрабаванні запланаваны на 2025 год.

версія для друку

зрабіць стартавай

дабавіць у выбранае