Бізнес-навіны

Беларусь дамовілася аб пастаўках тарфяной прадукцыі ў Маскоўскую і Варонежскую вобласць

13 верасня, Мінск /Кар. БЕЛТА/. Беларусь дамовілася аб пастаўках тарфяной прадукцыі ў Маскоўскую і Варонежскую вобласць, паведамілі БЕЛТА ў ДВА "Белпалівагаз".

З 10 па 12 верасня дэлегацыя аб'яднання "Белпалівагаз" прыняла ўдзел у XIV Міжнароднай выстаўцы кветак, раслін, тэхнікі і тэхналогій для кветаводства і ландшафнага дызайну "Кветкі Экспа 2024" у Маскве.

На выстаўцы прадстаўлена тарфяная прадукцыя непаліўнага прызначэння - прафесійныя тарфяныя субстраты і покрыўны матэрыял для вырошчвання шампіньёнаў.

У ходзе перагавораў дасягнуты дамоўленасці аб падпісанні кантрактаў на пастаўку тарфяной прадукцыі ў Маскоўскую і Варонежскую вобласць Расіі з арыенціровачным аб'ёмам гадавых паставак да 30 тыс. куб.м.

версія для друку

зрабіць стартавай

дабавіць у выбранае