Прамовы і інтэрв’ю
Сафі Шардон: Генеральная асамблея МЭК у Мінску пройдзе на высокім узроўні
6 лютага, Мінск /Юлія Дылянок - БЕЛТА/. Генеральная асамблея Міжнароднай электратэхнічнай камісіі (МЭК) у Мінску пройдзе паспяхова і на высокім узроўні. Упэўненасць у гэтым выказала 5 лютага журналістам каардынатар цэнтральнага офіса МЭК у Жэневе Сафі Шардон, перадае карэспандэнт БЕЛТА.
"Усе 6-7 гасцініц, якія мы паглядзелі ў Мінску, знаходзяцца на вельмі высокім узроўні. Што датычыцца месц правядзення пасяджэнняў, то там усё ў парадку. Мы ўпэўнены, што Генеральная асамблея МЭК у Мінску пройдзе паспяхова", - канстатавала Сафі Шардон.
Паводле яе слоў, патрабаванні вельмі высокія, Мінск будзе прымаць больш як 1 тыс. дэлегатаў з усіх краін свету. "Неабходна адпаведным чынам забяспечыць прыём, пражыванне, пераканацца, што месцы правядзення пасяджэнняў адпавядаюць патрабаванням. Гэта даволі складаная работа для прымаючага боку", - адзначыла Сафі Шардон.
79-я Генаральная асамблея Міжнароднай электратэхнічнай камісіі пройдзе ў Мінску з 5 па 16 кастрычніка 2015 года і стане маштабным форумам не толькі для эканамічнага і навукова-тэхнічнага жыцця рэспублікі, але і ўсяго свету. Гэта так званая тэхнічная Алімпіяда, на якую збіраюцца прадстаўнікі буйнейшых сусветных кампаній-вытворцаў: ад інжынераў і менеджараў сярэдняга ўзроўню да вышэйшага кіраўніцтва, высокапастаўленыя супрацоўнікі міністэрстваў і ведамстваў. Генеральныя асамблеі праводзяцца ў статусных краінах з развітой высокатэхналагічнай прамысловасцю, а таксама ў перспектыўных на думку МЭК рэгіёнах. У склад МЭК уваходзіць 164 краіны, у тым ліку Беларусь.
версія для друку
зрабіць стартавай
дабавіць у выбранае