Прамовы і інтэрв’ю

2 кастрычніка, Мінск /Кар. БЕЛТА/. Перагаворны працэс па далучэнні Беларусі да Сусветнай гандлёвай арганізацыі (СГА) ідзе актыўна. Аб гэтым заявіў сёння журналістам міністр замежных спраў Уладзімір Макей, перадае карэспандэнт БЕЛТА.

"Працэс ідзе актыўна. Думаю, наступны год будзе даволі важным. У гэтым годзе, зразумела, ужо часу засталося мала, і мы не ставілі перад сабой мэту ўступіць у бягучым годзе", - сказаў Уладзімір Макей.

Паводле яго слоў, перагаворны працэс у бліжэйшым будучым можа выйсці на фінішную прамую. Беларусь завяршыла перагаворы з 14 краінамі, наперадзе - яшчэ 11 дзяржаў.

"Паступіў шэраг удакладняючых пытанняў па асобных аспектах і галінах, таму мы цяпер займаемся падрыхтоўкай адказаў на гэтыя пытанні. На працягу паўтара - двух месяцаў, напэўна, падрыхтуем, накіруем у Еўрасаюз, амерыканцы задавалі шмат удакладняючых пытанняў, накіруем іншым нашым партнёрам", - сказаў міністр.