Падзеі, факты, анонсы
Віталь Бубновіч заняў пятае месца ў стральбе з малакалібернай вінтоўкі ў Рыа
12 жніўня, Мінск /Кар. БЕЛТА/. Беларус Віталь Бубновіч не змог увайсці ў тройку прызёраў на алімпійскім турніры па стральбе з малакалібернай вінтоўкі на 50 м са становішча лежачы, паведамляе карэспандэнт БЕЛТА.
У фінале гэтых спаборніцтваў 41-гадовы беларускі стралок заняў пятае месца з рэзультатам 144,2 бала. У фінальную васьмёрку Віталь Бубновіч выйшаў з чацвёртым рэзультатам, але вышэй падняцца не змог. Яшчэ адзін беларус Юрый Шчарбацэвіч не прайшоў у лік саіскальнікаў узнагарод, паказаўшы 18-ы рэзультат у кваліфікацыі.
Алімпійскім чэмпіёнам у гэтай намінацыі стаў нямецкі спартсмен Хенры Юнгхайнель, які ўстанавіў новы рэкорд Алімпіяд - 209,5 ачка. Серабро заваяваў прадстаўнік Рэспублікі Карэя Кім Чон Хюн (208,2), бронзу вязе дадому расіянін Кірыл Грыгар'ян (187,3).
Беларускія стралкі завершаць алімпійскі турнір 14 жніўня, калі пройдзе турнір па стральбе з малакалібернай вінтоўкі на 50 м з трох становішчаў. У гэтай дысцыпліне выступяць Юрый Шчарбацэвіч і Ілья Чаргейка.
версія для друку
зрабіць стартавай
дабавіць у выбранае