Падзеі, факты, анонсы
Марына Арзамасава заняла 7-е месца ў бегу на 800 м на Алімпіядзе ў Рыа
21 жніўня, Рыа-дэ-Жанэйра /Кар. БЕЛТА/. Беларуска Марына Арзамасава заняла сёмае месца ў фінальным забегу на 800 м на Алімпійскіх гульнях у Рыа, паведамляе карэспандэнт БЕЛТА.
У адрозненне ад паўфіналу, дзе беларуска лідзіравала з першых метраў дыстанцыі, на гэты раз яна больш сачыла за дзеяннямі на бегавой дарожцы аднаго з лідараў Кастэр Семені з ПАР. У выніку Марына Арзамасава не змагла ўдачна фінішаваць, уступіўшы асноўным канкурэнткам. Час у фінале беларускі 1 мін 59,10 сек.
Алімпійскай чэмпіёнкай у бегу на 800 м у жанчын стала Кастэр Семеня - 1 мін 55,28 сек. Сярэбраны прызёр - Франсін Ніянсаба з Бурундзі - 1 мін 56,49 сек. Трэцяе месца ў фінале заняла Маргарэт Вамбуі з Кеніі - 1 мін 56,89 сек.
Марына Арзамасава ў 2015 годзе на чэмпіянаце свету ў Пекіне выйграла на гэтай дыстанцыі залатую ўзнагароду.
версія для друку
зрабіць стартавай
дабавіць у выбранае