Падзеі, факты, анонсы
Больш як 90 унікальных абразоў XV - пачатку XIX стагоддзя прадставяць у Нацыянальным мастацкім музеі
27 жніўня, Мінск /Кар. БЕЛТА/. Міжнародная выстаўка "Праваслаўны свет. Вобраз Хрыста ў іканаграфіі краін Усходняй Еўропы" адкрыецца 17 верасня ў Нацыянальным мастацкім музеі, паведамілі БЕЛТА ў НММ.
На выстаўцы, прысвечанай святкаванню ў Беларусі 1025-годдзя Хрышчэння Русі, будуць дэманстравацца больш як 90 унікальных твораў іканапісу
XV - пачатку XIX стагоддзя з фондаў вядучых музеяў Беларусі, Расіі, Украіны і Сербіі.Так, са збору Музея рускай іконы (Масква) будзе прадстаўлена 11 твораў XVII - пачатку XIX стагоддзя, Дзяржаўнай Траццякоўскай галерэі - 12 ікон XV-XVIII стагоддзяў, Нацыянальнага Кіева-Пячэрскага музея-запаведніка - 7 абразоў XVII-XVIII стагоддзяў, Нацыянальнага музея ў Бялградзе (Сербія) - 12 ікон XV-XVIII стагоддзяў. Таксама на выстаўцы можна будзе ўбачыць творы іканапісу з фондаў Нацыянальнага мастацкага музея Беларусі, Музея старажытнабеларускай культуры Цэнтра даследаванняў беларускай культуры, мовы і літаратуры Нацыянальнай акадэміі навук, Гродзенскага дзяржаўнага музея гісторыі рэлігіі, Нацыянальнага Полацкага гісторыка-культурнага музея-запаведніка.
Работа экспазіцыі прадоўжыцца да 5 снежня.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
