Падзеі, факты, анонсы
Беларускія гімнасткі занялі пятае месца на алімпійскім турніры ў групавых практыкаваннях
21 жніўня, Мінск /Кар. БЕЛТА/. Зборная Беларусі па мастацкай гімнастыцы ў групавых практыкаваннях заняла пятае месца ў фінале мнагабор'я на Алімпіядзе-2016, паведамляе карэспандэнт БЕЛТА.
Пасля першага віду фіналу - практыкавання з пяццю стужкамі - беларускія грацыі (Ганна Дудзянкова, Валерыя Пішчэліна, Арына Цыцыліна, Марыя Кадобіна, Марыя Кацяк) атрымалі ўсяго 17,283 бала і занялі 5-е месца. У другім відзе - кампазіцыі з булавамі і абручамі беларускі зарабілі 18,016 бала, апынуўшыся на 5-й падагульняючай пазіцыі з сумай 35,299 бала.
Чэмпіёнкамі сталі гімнасткі з Расіі - 36,233, серабро ў каманды Іспаніі - 35,766, бронзу з такой жа сумай балаў заваявалі балгарскія спартсменкі.
Напярэдадні ў асабістым мнагабор'і лідар беларускай каманды Меліціна Станюта заняла пятае месца, а Кацярына Галкіна апынулася на шостым месцы.
версія для друку
зрабіць стартавай
дабавіць у выбранае