Падзеі, факты, анонсы

Беларусь атрымала права на правядзенне чэмпіянату Еўропы па боксу 2013 года

19 красавіка, Мінск /Сяргей Вішнеўскі - БЕЛТА/. Чэмпіянат Еўропы па боксу 2013 года пройдзе на "Мінск-Арэне", паведамілі карэспандэнту БЕЛТА ў Беларускай федэрацыі бокса.

Такое рашэнне было прынята сёння на пасяджэнні выканкама Еўрапейскай канфедэрацыі бокса ў турэцкім Трабзоне, дзе гэтымі днямі праходзіць адборачны алімпійскі турнір на Гульні-2012.

Папярэднія тэрміны правядзення чэмпіянату Еўропы 2013 года ў Мінску - 17-26 мая.

У галасаванні за права прыняць кантынентальны форум Беларусь апярэдзіла Галандыю. Правесці турнір хацела таксама Сербія, але перад галасаваннем яна зняла сваю кандыдатуру. Як растлумачылі ў Беларускай федэрацыі бокса, вырашальным фактарам на карысць Мінска стала якасна праведзеная беларускім бокам прэзентацыя заяўкі будучага турніру, вельмі добрыя ўмовы для спаборніцтваў і прыёму ўдзельнікаў і гасцей чэмпіянату Еўропы.

версія для друку

зрабіць стартавай

дабавіць у выбранае