Беларускі нацыянальны адбор на "Еўрабачанне-2017" выйграла група NAVIBAND

Позна вечарам 20 студзеня ў прамым тэлеэфіры раскрылася першая музычная інтрыга года – хто прадставіць Беларусь на "Еўрабачанні-2017" у Кіеве?! Нацыянальны адбор на папулярны міжнародны конкурс выйграла група NAVIBAND – Ксенія Жук і Арцём Лук'яненка – з беларускамоўнай песняй "Гiсторыя майго жыцця".

Трансляцыю шоу вялі тэлеканалы "Беларусь 1" і "Беларусь 24": у фінале за шанц паехаць на "Еўрабачанне-2017" змагаліся 13 прэтэндэнтаў – сольныя выканаўцы і калектывы. Акрамя таго, упершыню ў гісторыі беларускага этапу артысты чакалі выхаду на сцэну і назіралі за канкурэнтамі ў Green Room, адказваючы на пытанні пад прыцэлам тэлекамер. Згодна з правіламі нацадбору, нумары канкурсантаў ацэньвалі і гледачы ля экранаў, і прафесійнае журы: падагульняючыя балы былі падлічаны па формуле 50 на 50.

Лепшыя моманты выступленняў фіналістаў, хваляванне ў Green Room і яркія эмоцыі пераможцаў – у рэпартажы з беларускага нацыянальнага адбору на "Еўрабачанне-2017"…