Беларускі нацыянальны адбор на "Еўрабачанне"-2016

Хто прадставіць Беларусь на конкурсе "Еўрабачанне"-2016 у Стакгольме? Галоўная інтрыга раскрылася ўвечары 22 студзеня ў прамым эфіры тэлеканалаў "Беларусь 1" і міжнароднага "Беларусь 24". Дзясятка фіналістаў, якія яшчэ ў лістападзе 2015-га прайшлі праз этап праслухоўвання перад музычнымі экспертамі, прэзентавалі свае абноўленыя нумары для еўрасцэны. Упершыню пераможца нацыянальнага адбору Беларусі вызначыўся па выніках выключна глядацкага тэлефоннага і смс-галасавання. Трыумфатарам вечара стаў спявак IVAN з песняй Help you fly, словы і музыку да якой напісаў вядомы кампазітар і прадзюсар, кавалер ордэна Францыска Скарыны Віктар Дробыш.