Галоўныя навіны

Кіраўніком дзяржавы вызначаны ключавыя паказчыкі эфектыўнасці работы ўрада Беларусі і Нацыянальнага банка ў якасці важнейшых параметраў прагнозу сацыяльна-эканамічнага развіцця краіны на 2016 год, сярод якіх забеспячэнне тэмпаў росту да ўзроўню 2015 года:

валавога ўнутранага прадукту не менш як 100,3 працэнта;

прадукцыйнасці працы не менш як 101,5 працэнта;

экспарту тавараў і паслуг не менш як 103,5 працэнта;

рэальных наяўных грашовых даходаў насельніцтва не менш як 100,5 працэнта.

Савету Міністраў даручана вызначыць ключавыя паказчыкі эфектыўнасці работы кіраўнікоў міністэрстваў, канцэрнаў, аблвыканкамаў і Мінскага гарвыканкама, а таксама арганізацый, маёмасць якіх знаходзіцца ва ўласнасці дзяржавы або ў статутных фондах якіх 50 працэнтаў і больш акцый належыць дзяржаве, акрамя мікраарганізацый і арганізацый з удзелам замежнага капіталу. Пры гэтым не дапускаецца давядзенне арганізацыям іншых паказчыкаў, а таксама давядзенне паказчыкаў арганізацыям, не названым ва ўказе.

Савету Міністраў пастаўлена задача забяспечыць да 1 сакавіка 2016 года распрацоўку арганізацыямі дэталёвага плана мер па зніжэнні затрат на вытворчасць тавараў (работ, паслуг) на 2016 год. Як адзначылі ў прэс-службе, рэалізацыя мер па забеспячэнні макраэканамічнай стабільнасці дасць магчымасць знізіць уплыў ад неспрыяльнай знешнеэканамічнай кан'юнктуры і забяспечыць устойлівае эканамічнае развіццё Беларусі.